Tutti i diritti e proprietà letteraria sono riservati all'autore a norma di legge - E' vietata la riproduzione anche parziale del materiale contenuto in questo sito, con qualsiasi mezzo effettuata, anche ad uso teatrale, interno o didattico, non autorizzata.

Pezzi tratti da: | LUCIFARU RIBBELLI | ABRAMU | GIOBBI |

(2,3Mb)

(Tratto da) GIOBBI [...] Quannu lu vìttiru arriddùttu accussì ognùnu d’iddi, gridànnu, chiancì. “Ma cchi piccàti fìci? - parlàru suttavùci -; la pena è accussì forti ca è pèggiu di la morti!”. “Ahi - dissi Giobbi - scunzulàtu e cunsùntu, malidìttu lu iuòrnu ca nascìvu! Pirchì spuntà lu suli dda matìna? Pirchì li stiddi nun s’astutàru a la sira? Pirchì nni lu mumèntu ca nascìva, nun ci ammuddàru li manu a la mammàna? Pirchì dari la luci a ‘n-nfilìci? e la vita a ccu cerca morti e paci?”. Elifaz la palòra piglià e dissi: “Quannu mai murì ‘n’omu ‘nnuccènti e ‘n’omu giustu sdirrupàtu vìnni. Cu simìna ‘mpamità arricògli affànni! Cu iè lu santu a ccu t’arrivòlgiri? Chiàma, chiàma!... Cu t’av’arrispùnniri! Di li stièrru nun nèsci la sbintùra e mancu spùnta lu dulùri di la terra, ma è l’omu ca a li peni dùna vita, ca, comu la faìdda, vola ata. Gira la testa versu lu Signuri, parla ccu Iddu e sfoga li tò peni. Prèia a Diu c’addrìzza lu tò fari. Diu prucùra chiàghi e mìnti fàsci, mànna firìti e poi li guarìsci. Prèia, cà di li guài ti nni nièsci. Pò avìri ancòra ricchizzi e tanti figli, pò murìri viècchiu di tant’anni, matùru comu granu ca si cògli”. “La mà sbintùra e lu mà dulùri pìsa cchiossà di la rina di lu mari; forsi ppi cchistu sbagliu a parlàri e ppi li saìtti di l’Onniputènti ca mi cunsùmanu cuntinuamènti. Forsi la mà forza è cchiù dura di ‘na petra? Forsi di brunzu è lu cuòrpu miu? Ora ‘un nni puòzzu cchiù, nun mi la fìju. Nùddu, propriu nùddu mi dùna aiutu? Unna su’ la pietà e l’amìci mia? Unna su’, unna su’ tutti li mà frati! Sprièru comu lavìni ca sìccanu d’estati. Cchi vinìstivu a fari ccà vuàtri? Mi vidìti accussì malarriddùttu e mi schifiàti e vi scantàti. Forsi v’addumannàvu quarchi cosa? Vi dissi forsi: ”Livàtimi li peni”? Iu sugnu ccà, sulu comu un cani. Dicìtimi cchê ffari e ‘un pàrlu cchiù. Facìtimi capìri li mà sbagli. Nni li palòri mia nun c’è vèlu, vi l’assicùru ca sugnu sincèru”. “Pàrlu ccu Ttia, ora, Diu miu. Dìmmi li piccati c’haiu fattu! Quannu mi cùrcu mi vuòtu e m’arrivuòtu e m’addumànnu: “Pirchì sugnu punìtu?”. Comu ‘na nièvula ncèlu scumpàri, accussì càpita a cchiddu ca mòri. Allùra, Ti priègu, Patri Eternu, Ti priègu ancòra: “Fàmmi murìri, ca nun nni puòzzu cchiù di ‘stu dulùri!”.

GIOBBE [...] Quando lo videro così ridotto ognuno di loro pianse a dirotto. “Ma quali peccati fece? - parlarono sottovoce -; la pena è così forte che è peggio della morte!”. “Ahi - disse Giobbe - sconsolato e consunto - maledetto il giorno in cui son nato! Perché spuntò il sole quella mattina? Perché le stelle non si spensero la sera? Perchè mentre nascevo non diventaron molli le mani alla mammana? Perché dare luce a un infelice? e la vita a chi cerca morte e pace?”. Elifaz la parola prese e disse: “Quando mai morì un innocente e un uomo giusto distrutto venne? Chi semina infamità raccoglie affanni! A quale santo dovrai rivolgerti? Chiama, chiama!... Chi dovrà risponderti! Dalla polvere non esce la sventura e neanche spunta il dolore dalla terra, ma è l’uomo che alle pene dà la vita, che, come la favilla, vola alta! Gira la testa verso il Signore, parla con Lui e sfoga le tue pene. Prega a Dio per correggere il tuo fare. Dio procura piaghe e poi le fascia, ferite infligge e le guarisce. Prega perché dai guai puoi liberarti. Puoi aver ancora ricchezze e tanti figli, puoi morire vecchio di tant’anni, maturo come grano che si coglie”. “La mia sventura e il mio dolore pesa di più della sabbia del mare; forse per questo sbaglio a parlare e per le saette dell’Onnipotente che mi consumano continuamente. Forse la mia forza è più dura di una pietra? Forse di bronzo è il corpo mio? Ora non ne posso più, non ce la faccio. Nessuno, proprio nessuno mi dà aiuto? Dove sono la pietà e gli amici miei? Dove sono, dove sono tutti i miei fratelli! Svanirono come ruscelli che seccano d’estate. Perché siete venuti? Mi vedete così mal ridotto, vi faccio schifo e vi spaventate. Forse vi ho chiesto qualcosa? Vi dissi forse: “Levatemi le pene?” Io sono qui, solo come un cane. Ditemi cosa fare e non parlerò più. Fatemi capire i miei errori. Nelle mie parole non c’è velo; ve l’assicuro, sono sincero”. “Parlo con Te, ora, Dio mio. Dimmi quali sono i miei peccati! Quando mi corico mi giro e mi rigiro e mi chiedo:’Perché sono punito?’. Come una nuvola in cielo scompare così capita a colui che muore. Allora Ti prego, Padre Eterno, Ti prego ancora: fammi morire, ché non sopporto più questo dolore!”.